في ظل التغطية المستمرة عبر موقعكم اسعار اليوم والخاصة بـ أسعار الانترنت في مصر لجميع الشركات، نقدم لكم اليوم في هذا المقال أسعار باقات we للانترنت المنزلي بالضريبه 2025، وذلك بعد زيادة اسعار النت الجديدة بنسبة 30 في المئة التى قامت شركة وي بالإعلان عنها علي جميع الباقات من باقات سوبر وميجا والترا وماكس، ودعونا فيما يلي نتعرف معكم على اسعارها، فتابعونا الان.
 |
| أسعار باقات we للانترنت المنزلي بالضريبه |
أسعار باقات we للانترنت المنزلي بالضريبه 2025
- سعر باقة سوبر 30 ميجا في الثانية، عند الاشتراك في هذه الباقة سوف تحصل علي 140 جيجابايت بـ 239.40 جنيه.
- سعر باقة سوبر 30 ميجا في الثانية، عند الاشتراك في هذه الباقة سوف تحصل علي 200 جيجابايت بـ 330.60 جنيه.
- سعر باقة سوبر 30 ميجا في الثانية، عند الاشتراك في هذه الباقة سوف تحصل علي 250 جيجابايت بـ 410.40 جنيه.
- سعر باقة سوبر 30 ميجا في الثانية، عند الاشتراك في هذه الباقة سوف تحصل علي 400 جيجابايت بـ 649.80 جنيه.
- سعر باقة سوبر 30 ميجا في الثانية، عند الاشتراك في هذه الباقة سوف تحصل علي 600 جيجابايت بـ 969 جنيه.
- سعر باقة سوبر 30 ميجا في الثانية، عند الاشتراك في هذه الباقة سوف تحصل علي 1000 جيجابايت بـ 1550.40 جنيه.
- سعر باقة ميجا 70 ميجا في الثانية، عند الاشتراك في هذه الباقة سوف تحصل علي 250 جيجابايت بـ 604.20 جنيه.
- سعر باقة ميجا 70 ميجا في الثانية، عند الاشتراك في هذه الباقة سوف تحصل علي 600 جيجابايت بـ 1185.60 جنيه.
- سعر باقة ميجا 70 ميجا في الثانية، عند الاشتراك في هذه الباقة سوف تحصل علي 1000 جيجابايت بـ 1778.40 جنيه.
- سعر باقة الترا 100 ميجا في الثانية، عند الاشتراك في هذه الباقة سوف تحصل علي 250 جيجابايت بـ 798 جنيه.
- سعر باقة الترا 100 ميجا في الثانية، عند الاشتراك في هذه الباقة سوف تحصل علي 600 جيجابايت بـ 1402.20 جنيه.
- سعر باقة ماكس 200 ميجا في الثانية، عند الاشتراك في هذه الباقة سوف تحصل علي 1000 جيجابايت بـ 2006.4 جنيه.
اسعار الباقات الاضافية we
عند انتهاء السعة الخاصة بالباقة لن يتم إيقاف الخدمة على الخط الأرضي ولكن تنخفض السرعة الى 256 كيلوبايت، وللآسف هذه السرعة ضعيفة جدا ولكن يمكنك شحن باقة إضافية وتوفر الشركة 3 باقات مختلفة يمكنك الاختيار من بينها، والباقة الاضافية صالحة لمدة شهر من تاريخ شحنها حتى إذا انتهى اشتراك الباقة الاساسية وتم تجديد الباقة، وفيما يلي نستعرض لكم الباقات وأسعارها:
- باقة 20 جيجابايت بسعر 52 جنيه وبعد إضافة قيمة الضريبة المضافة ستدفع 59.28 جنيه.
- باقة 50 جيجابايت بسعر 105 جنيه وبعد إضافة قيمة الضريبة المضافة ستدفع 119.70 جنيه.
- باقة 100 جيجابايت بسعر 170 جنيه وبعد إضافة قيمة الضريبة المضافة ستدفع 193.80 جنيه.
سعر راوتر وي الجديد
تقدم الشركة لعملائها راوتر VDSL الجديد فائق السرعة، وتوفر وي جهاز واحد فقط وهو جهاز راوتر PREMIUM ZTE Super Vectoring موديل (ZXHN H188A)، والراوتر متاح للشراء كاش بسعر 1710 جنيه شامل الضريبة المضافة 14%، وأيضا متاح للشراء بالتقسيط من خلال بطاقة مشتريات البنك الاهلي او بنك مصر لمدة 6 أشهر أو 12 شهر، وأيضا يوجد خيار آخر للتقسيط لمدة 36 شهر وستدفع 50 جنيه وبعد إضافة الضريبة المضافة 14% شهريا ستدفع 57 جنيه.
الى هنا نكون قد رصدنا لكم اسعار النت على التليفون الارضى من شركة we، وصلتنا العديد من الاستفسارات خلال الفترة الماضية بخصوص سرعات وباقات النت الغير محدود من we هل هي متاحة ام لا، للاسف عزيزي الزائر تم الغاء الباقات الغير محدودة من جميع الشركات منذ أكثر من سنة تقريبا وفي الفترة الحالية الباقات المتاحة للاشتراك سواء كانت للعملاء الجدد أو الحاليين محددة بسعة تصفح وتحميل شهريا.
إرسال تعليق
ليه مفيش باقه السرعه 5 والتحميل 200 بسعر معين الباقه عندي بتخلص بسرعه ليه اروح ازود
ردحذففي باقة جديدة من we بسرعة تصل الي 30 ميجا وبتدي لحضرتك 140 جيجا في الشهر واشتراكه اعلب من باقة 5 ميجا بزيادة 10 جنيه، يعني 120 جنيه بس السعر غير شامل قيمة الضريبة المضافة يعني ممكن بعد الضريبة يكون 135 جنيه
حذف.
ردحذفباقات سوبر بسرعة تصل الي 30 ميجا، بسعة تصفح وتحميل 140 جيجا شهريا، اشتراك شهري 120 جنيه.
بعد ضريبة القيمة المضافة هتبقى كام شهريا؟؟
الاشتراك الشهري بعد اضافة قيمة الضريبة حتكون لو حتدفع من خلال فوري 141 جنيه اما لو حتدفع في السنترال حتكون حوالي 137 جنيه تقريبا
حذفالسلام عليكم ورحمة الله وبركاته لوسمحتم انا خطي الارضي ليتحمل لحد 16مجا ازي يتحمل 30مجا لو حبيت اغير الي 30
حذفوعليكم السلام ورحمة الله وبركاته، لو اقصي سرعة يتحملها خطك 16 ميجا، وحبيت تشترك في باقة سوبر 30 ميجا فبردو الي حيوصلك منها 16 ميجا لاني دي اقصي سرعة يستحملها خطك
حذفحضرتك انا جنبي البوكس على طول وعايز اوصل نت وبيقلولى ف السنترال ان البوكس فيه عطل على الرغم من ان اتنين مشغلين منو وبيقلولى مافيش برتات نت خالص وانا محتاجو علشان شغلى ارجو الرد
ردحذفالمشكلة دي للاسف مفيش حل لها غير في السنترال، وممكن كلامهم صح بخصوص البورتات ممكن تكون فيها مشكلة الي في البوكس الي راكب جمبك
حذفهل الباقة الإضافية بتنتهي صلاحيتها مع تجديد الإشتراك
ردحذفايوه يا فندم بتنتهي صلاحية مع نهاية اشتراك الشهر
حذفكيفية الاشتراك فى الباقة الجديدة عن طريق التليفون
ردحذفلو حضرتك مشترك في باقة قديمة وعايز تحول لباقة جديدة، بتكلم خدمة العملاء علي رقم 19777 وبعد كده هما بيعملو تيست للباقة الي ينفع يشتغل عليها خطك سواء كانت السوبر او الميجا او الالترا، وبعد كده لم بيحول بيطلب منك رقم بطاقة صاحاب الخط الارضي والاسم، ولو حتحول وتشغل الباقة في نفس اليوم كده حتدفع ثمن الاشتراك من جديد ولو فيه ايام في الباقة القديمة بتتلغي، والخدمة بتشتغل عندك خلال ساعتين من وقت دفع الفاتورة الجديدة، بس اهم حاجه لم تيجي تدفع الفاتورة تأكد اني المبلغ الي ظهر ليك هو لفاتورة السرعة الجديدة مش القديمة
حذفلو سمحت هو فى عروض جديده نت وخط ارضى خط محمول
ردحذفخلال الفترة الحالية مفيش اي عروض علي النت المنزلي، ولكن الشركة اعلنت عن باقات جديدة باسم وي سبيس بسرعات تبدأ من 30 ميجا ويمكنك الاطلاع علي اسعارها داخل المقال
حذفليه مفيش باقات بسعر اقل من كده استخدام منزلي بسيط
ردحذفللاْسف اقل باقة هى باقة سرعة 5 ميجا ودي اشتراك شهري بعد قيمة الضريبة حوالي 125 جنيه تقريبا، ودي بتدي ليك 100 جيجا في الشهر تصفح وتحميل
حذفانا شحنت الباقه بتاعتي اللي هيا 15 سرعه و 100 جيجا تحميل و خلصت تاني يوم و انا لسه في اول الشهر اعمل ايه
ردحذفلو 100 جيجا خلصو في يوم واحد يبقي كده فيه مشكلة عندك ولازم تكلم الشركة علي رقم 19777 لحل المشكلة
حذفحضرتك لو انا لسه هشترك جديد في باقة سوبر 30 ميجا و 140 جيجا هيكون تكاليف الاشتراك كام
ردحذفوهل الراوتر مجاني ام بمبلغ
التكاليف هي سعر اشتراك الشهر مقدم وبيكون 137 جنيه تقريبا لو حتدفع في السنترال اول مره وبعد كده لو عايز تدفع من خلال فوري بيكون حوالي 141 جنيه في الشهر، اما بخصوص الروتر بيكون بفلوس وعليه خصم حوالي 50% يعني ممكن تدفع من 200 الي 240 جنيه
حذفانا مشترك ف باقه ١٠ ميجا ٥٧ جنيه ينفع احول للباقات الجديده وشكرا
ردحذفهو مفيش سرعة 10 ميجا في we، ولكن لو حضرتك مشترك قديم مع الشركة وعايز تحول السرعة عادي تقدر تحوله عن طريق الاتصال بخدمة العملاء علي رقم 19777 وبتطلب منهم تغير السرعة، وهما حيطلبو منك اسم صاحب الخط الارضي واخر 7 ارقام من البطاقة الشخصية لها
حذفانا مشترك في اورنج وعايز احول الي وي ايه الخطوات
ردحذفالخطوات انك بتكلم خدمة عملاء شركة اورنج وبتلغي الخدمة من عندهم وبتاخدم رقم الغاء الخدمة، واهم حاجة ميكونش عليك اي فواتير قديمة، وبعد طلب الالغاء بتروح السنترال الي عندك وبتقدم علي الخدمة، وبتدفع ثمن اشتراك شهر مقدم ويكون معاك صورة بطاقة صاحب الخط الارضي، وبيتم تشغيل الخدمة عند خلال فترة 15 يوم
حذفالميجا حضرتك دي سرعة النت
ردحذفايوه يا فندم السرعة بالميجا، اما السعة التصفح والتحميل بتكون بالجيجا
حذفباقات وي سبيس الجديدة لم تخلص السعة المحددة بتنزل سرعة خطك الي 256 كيلو ولكن ممكن لو عايز تشحن باقة اضافية عادي
ردحذفاقل باقه كام لاستخدام تليفزيون سمارت فقط؟ ....و هل ممكن لو عايز اوقفها لحد مارجع من السفر ممكن او لا ؟
ردحذفاقل باقة في we هي 100 جيجا وسرعة 5 ميجا ودي اشتراك شهري 125 جنيه، وتقدر توقف الاشتراك بتاعك في اي وقت، بس بتدفع في الشهر 30 جنيه ولم تكون عايز ترجعها في اي وقت عادي
حذفما هو سعر اشتراك نت خط ارضى وراوتر على باقةجيجا we space 140
ردحذفالاشتراك الشهري لباقة 140 جيجا بعد اضافة قيمة الضريبة المضافة 137 جنيه شهريا
حذفلو سمحت هو السرعة 256 كيلو بايت لما تنتهي السعة المحددة نسبتها كام من الميجا يعني مثلا اقل من ميجا ولا اكتر ؟
ردحذفالـ 256 كيلو دي اقل من ميجا، ونسبتها ربع ميجا
حذفهي الباقه بتاعت سوبر بسرعه تصل الي 30 ميجا في الثانيه و بتدي 250 جيجا بعد ماتخلص السرعه هتقل الي 1ميجا ولا النت هيقطع ؟؟
ردحذفلا النت حيفضل شغال عندك بس السرعة حتنزل الي 256 كيلو مش 1 ميجا، لكن تقدر تشتري باقة اضافية وترجع ليك السرعة الاساسية تاني
حذفوانا مشترك في te_data وعايز احول لwe واشنرك غي باقه سوبر ال250 جيجا لازم اجيب راوتر we ولا هيشتغل عادي علي te_data
ردحذفشركة تي داتا هي يا فندم نفسها شركة we، وتقدر تحول عادي الي باقة السوبر بدون اي مشاكل وعلي نفس الرواتر الي عندك، وتقدر تشترك فيه عن طريق السنترال او تكلم خدمة العملاء علي رقم 19777
حذفسعر الروتر
ردحذفسعر الراوتر للمشتركين الجدد دلوقتي عليها خصم 50% وسعرها 230 جنيه تقريبا بعد إضافة قيمة الضريبة 14%
حذفاعرف ازاى خطى الارضى يستحمل كام ميجا وشكرا
ردحذفبتعرف عن طريق الاتصال بخدمة العملاء علي رقم 19777 وبتقلوهم رقم الخط الارضي وبيقولو لحضرتك اقصي سرعة يستحمله خطك
حذفانا لسة مشترك جديد واعطونى خط تليفون محمول دة اية نظامة في النت هل لة اشتراك جديد ولا من نفس باقة الارضى برجاء الافادة
ردحذفهو حضرتك اشتركت في باقة ايه عشان اقدر اساعدك في استفسارك
حذفينفع تشتغل الرواتر القديمه علي السرعات الجديده ولا لازم تتغير
ردحذفينفع تشغل اي رواتر تابع لشركة we علي باقات سبيس الجديدة بدون مشاكل
حذفلو سمحتوا انا ممكن اعرف سعر الرواتر كااااااام ؟؟؟؟
ردحذفالرواتر عليها حاليا خصم 50% للعملاء الجدد، يعني سعر الرواتر بعد اضافة قيمة الضريبة يكون 230 او 235 جنيه تقريبا
حذفالسلام عليكم
ردحذفلو سمحت انا مشترك فى باقه ١٥ و٢٠٠ جيجا وبتخلص منى بسرعه هل لو اشتركت فى باقه سوبر ٣٠ م و٢٥٠ جيجا هاتخلص اسرع علشان السرعه اعلى ؟
وليه مافيش باقه التحميل يكون كبير وبسعر معقول لأن باقات التحميل الكبيره اسعارها عاليه ؟
وعليكم السلام ورحمة الله وبركاته، هو لو السرعة اعلي الباقة تخلص معاك اسرع في حالة تشغيل الفيديوهات بجودة عالية وتحميل الملفات الكبيرة، اما بخصوص الباقات الكبيرة للآسف كل الشركات بتقدمها باسعار غالية
حذفالسلام عليكم ورحمة الله وبركاته عايز اعرف اذا كان فيه باقات انترنت هوائي للمنزل برضو ولا مفيش
ردحذفوعليكم السلام ورحمة الله وبركاته، بالنسبة للنت الهوائي مبيشتغلش علي الخط الارضي، ده بيكون رواتر لوحدو وبيشتغل من خلال شرحة داتا عادية زي بتاعت الموبايل
حذفالسلام عليكم من فضلك عاوز اعرف سعر الروتر للمشتركين الحالين
ردحذفوعليكم السلام ورحمة الله وبركاته، سعر الرواتر 228 جنية يا فندم لو حضرتك مختش راوتر vdsl
حذفلو انا مشترك في باقة ارضي لشركة اخري كيف يمكنني التكويل ل وي
ردحذفعادي تقدر تشترك في شركة we بس الاول بتقدم طلب الغاء الخدمة من الشركة الي انت مركب معاه وبعد كده بتروح تقدم في السنترال
حذفكنت متعاقد على خط بقالى حوالى سنة وسرعته 5ميجا الوقت بقت سرعته 15 ميجا لوحده مع انى مشتركتش فى العرض.ده بقى يبقى ايه بالظبط عشان مش متابع
ردحذفلازم حضرتك تتواصل مع خدمة العملاء علي رقم 19777 للآستفسار، لاني المشكلة دي خاصة بالدعم الفني
حذفحضرتك انا مشترك في خدمة شركه أخرى وأريد التحويل ل we هل بيتم تغيير الرقم الأرضي
ردحذفلا يا فندم مش بيتغر رقم الخط الارضي، ولكن خضرتك بتقدم طلب الغاء للخدمة الاول مع الشركة الى انت مشترك معاه وبعد كده بتروح تقدم طلب في السنترال
حذفهل موجود عرض على نت ارضي + نت على خط we ؟
ردحذفاذا موجود استأذن حضرتك في التفاصيل.. وشكراً..
للاسف خلال الفترة الحالية مفيش اي عروض مقدمة من شركة we وعند اعلان الشركة عن اي عروض جديدة سنقوم باضافته هنا داخل المقال
حذفلو سمحت يا فندم : انا مشترك حاليا بسرعه 15 ميجا ممكن احولها لباقة السوبر 30 ميجا وانا مكانى من البيت من غير ما روح السنترال ؟؟؟؟؟
ردحذفعادي تقدر تحول وانت في البيت عن طريق خدمة العملاء علي رقم 19777 او من خلال الشات اون لاين علي موقع الشركة، ولو حضرتك عايز تحول عالطول وتشغل الخدمة في نفس اليوم يبقي الايام الباقية في الاشتراك القديم حتروح عليك، وتدفع اشتراك جديد بداية من اليوم وتدفع من خلال فوري، اما لو حتشترك وتكمل الباقة الى انت عليها دلوقتي بردو عادي وعند بداية الشهر الجديد تشتغل عند الباقة الجديدة، ملحوظة لم تكلم خدمة العملاء لازم يكون معاك رقم واسم بطاقة صاحب الخط الارضي عشان تقدر تحول.
حذفانامشترك في اتصالات وعايز وي 5 أعمل ايه
ردحذفلو عايز تحول من شركة اتصالات الي we، اول حاجة حضرتك بتقدم طلب انك عايز تلغي الخدمة من شركة اتصالات وبعد كده بتروح السنترال وبتقدم من جديد مع شركة وي والمطلوب منك اشترك شهر مقدم وثمن الرواتر وهو عليه خصم دلوقتي حتجيبو بـ 228 جنيه، ويكون معاك صورة بطاقة صاحب الخط
حذفهل لازم يكون في عدة ارضي ولا مش لازم واشترك في العرض ازاي
ردحذفلا مش لازم يافندم يكون عندك عدة تليفون عشان تشترك، حضرتك بتروح تقدم علي الخدمة في السنترال الي في منطقتك، والمطلوب بطاقة صاحب الخط الارضي واشتراك شهر مقدم نت، وبتدفع ثمن الرواتر وسعرها حوالي 228 جنيه تقريبا.
حذفهوا لو انا عندي روتر ينفع ادخل النت علي ولا لازم الروتر بتاع الشركه
ردحذفلو رواتر عادي مش خاص بشركة تانية تقدر تشتغل عليه عادي بدون اي مشاكل
حذفالسلام عليكم انا عايز اعرف استهلاكى فى الشهر قد ايه لازم اروح الشركه ولا ممكن بالتليفون ولو عاوز احول من باقه قديمه لباقه جديده ينفع فى ميعاد تجديد اشتراكى ولا قبليها بكام يوم ارجو الرد من حضراتكم
ردحذفوعليكم السلام ورحمة الله وبركاته، بخصوص معرفة استهلاك باقة النت ممكن حضرتك بتسجيل حساب ليك في موقع ماي تي داتا، او من خلال الاتصال برقم 19777، اما بخصوص التحويل لازم تحول قبل موعد التجديد عشان لو حولت في معياد التجديد مش حينفع وحتظهر ليك وقتها الفاتورة القديمة عند الدفع
حذفالبكوسه بعيده عني ٤٠٠ متر هل بيتم التوصيل ليا
ردحذفولو بيتم التوصيل تكاليف التوصيل من سلك وخلافه علي حساب الشركه
وما هي الطرق الصحيحة التي تتبعها الشركه لتوصيل الكبل الي المنزل
بالنسبة لسلك الحرارة الي بيوصل من البوكس لغاية بيتك ده بيكون علي السنترال بس معرفش بقي لم تكون مسافة كبيرة زي كده بتكون ايه
حذفلو سمحت انا معنديش خط ارضى وعايز اجيب راوتر we واشترك ف باقه سوبر ٣٠اعمل ايه وبالنسبه لفاتوره الخط الأرضي ايه نظامها
ردحذفهو لازم حضرتك لازم تقدم علي خط ارضي عشان تشترك في باقة السوبر، وبالنسبة لآشتراك الخط الارضي ده بتدفعو كل 3 شهور وبيكون تقريبا من 58 الي 60 جنيه، وملهوش دعوة بأشتراك النت الي بيدفع كل شهر وباقة السوبر بعد اضافة قيمة الضريبة شهريا حوالي 137 جنيه
حذفانا مشترك فى فودافون وأريد الاشتراك تبع وى ماذا أفعل برجاء الرد
ردحذفحضرتك الاول بتقدم طلب الغاء الخدمة من شركة فودافون، وبعد كده بتروح السنترال وبتقدم علي الخدمة عادي في شركة وي، المطلوب منك بطاقة صاحب الخط الارضي ومقدم اشتراك شهر والسعر بيكون علي حسب الخطة الى انته مختاره
حذفأنا كنت نظام بلا حدود بسعر 125ج ومن أول شهر 7تم التحول الى الباقة 100جيجا الباقة انتهت 100%من يوم 21 / 7والنت ضعيف جدا شبه مش شغال كنت عايز ارجع النظام الأول مرة أخرى أه الاجراء وهو بعد إنهاء الباقة النت ليكون ضعيف ليه او شبه لا يعمل
ردحذفالحل لو الباقة بتاعتك خلصت قيب موعد التجديد وعايز ترجع السرعة العالية مرة تانية انك تشحن باقة اضافية ودي فيه منها 20 جيجا و50 جيجا و100 جيجا، وتقدر تشحنها عن طريق فوري او السنترال
حذفالسلام عليكم لو عاوزه أقدم على النت والخط الأرضى ممكن اعرف التفاصيل وعاوزه أعرف مصروفات للتقديم بتكون كام والراوتر بيكون مجانى
ردحذفوعليكم السلام ورحمة الله وبركاته، لو حضرتك حتقدمي علي خط ارضي جديد التفاصيل كتالي، صورة من عقد ايجار او تمليك المكان الي حيركب فيه الخط وايصال كهرباء وبطاقة شخصية والمصاريف حوالي 172 جنيه تقريبا اما بخصوص النت حتدفعي حضرتك ثمن الرواتر 228 جنيه تقريبا اما بخصوص اشتراك النت بتدفعي شهر مقدم والاشتراكات في باقة سوبر دي سعرها 137 جنيه تقريبا وسرعة 30 ميجا وبتدي لحضرتك 140 جيجا شهريا، ملحوظة اخيرة جميع الاسعار المذكورة شاملة قيمة الضريبة المضافة 14% وممكن حضرتك يكون فيه زيادة بقيمة 5 جنيه او اقل علي اشتراك الخط الارضي والرواتر والنت
حذفلو سمحت هى الضريبة بتبقا كام على باقة الراوتر عامة على اي باقة
ردحذفالضريبة المضافة بتبقي 14% يعني باقة زي السوبر دي سعرها 120 جنيه وبعد الضريبة المضافة بيكون سعرها 137 جنيه تقريبا
حذفانا حولت على نظام 5 ميجا لكن للأسف النظام القديم كان أفضل يا ترى أقدر أرجع للنظام القديم تانى ....فيه حد سأل حضرتك نفس السؤال يا أفندم لكن حضرتك ما جاوبتش وقولت ممكن تشحن باقة اضافية ....
ردحذفمينفعش ترجع للنظام القديم الي كنت عليه طالما حولت للسرعات الجديدة
حذفلو سمحت انا عاوزه ازود الباقه بدل من 5ميجا تبقا 15ميجا ممكن مساعده ولا لازم اروح اي فرع وي
ردحذفمينفعش حضرتك تحولي من سرعة 5 ميجا الي 15 ميجا، لكن تقدري تحولي للسرعات الجديدة الي هي السوبر سرعة 30 ميجا، وتقدري تحولي من اي سنترال او من خلال الاتصال بخدمة العملاء علي رقم 19777
حذفالسلام عليكم ورحمة اللة وبركاته
ردحذفانا كان اخويه مشترك في شركه تانيه للنت وبقلوه سنه ونص مش مشغل النت وانا دلوقتي عايزه ققدم تبع شركه زي هينفع
وعايز عرف سعر الراوتر وسعر باقه 5 ميجا
وعليكم السلام ورحمة الله وبركاته، تقدر تقدم يا فندم عادي في السنترال وهما حيشوفو الخط الارضي بتاعي حضرتك هل مازل مسجل في الشركة القديمة او لا ولو الرقم مسجل خليهم يعملو الغاء للخدمة من الشركة القديمة عادي، وعن تكلفة التقديم ثمن الرواتر 228 جنيه بالاضافة الي دفع ثمن شهر مقدم للخدمة يبلغ 125 جنيه لسرعة 5 ميجا
حذفانا مشترك في تي اي داتا ومعايا راوتر قديم واشتركت في خدمه we وكنت حابب اغير الراوتر بروتر جديد وعايز اشترك في خدمه we spaceالجديده120 جنيه
ردحذفلو عايز تغير الرواتر بتروح تقدم طلب في الشركة وتدفع ثمن الرواتر 228 جنيه، وبخصوص التحويل للسرعة تقدر تحوله من السنترال او من خلال الاتصال بخدمة العملاء علي رقم 19777
حذفالسلام عليكم.
ردحذفاحنا كنا مركبين خط ارضي هوائي.بس من فتره هل ينفع يركب عليه روتر ولا لازم خط ارضي جديد..ولو عايزه الارضي يبقي استقبال بس هدفع فاتوره كل شهر ولا بالسنه..وتركيب الراوتر بيبقي مجاني ..وليكون بعد كام يوم من التعاقد ارجو الرد للضروره
وعليكم السلام ورحمة الله وبركاته، بالنسبة للنت الهوائي ملهوش علاقة بالخط الارضي، لو حضرتك عايزة تشتركي في اي باقة من الباقات الموجودة داخل المقال فلازم تركبي خط ارضي جديد وده تكلفة التركيب حتكون تقريبا 170 جنيه، وبتدفعي اشتراك ليه كل 3 شهور ده بالنسبة للخط الارضي، اما بخصوص النت بتدفعي ثمن الراوتر حوالي 228 جنيه واشتراك الباقة الي حتشركي فيه ودي سعرها علي حسب السرعة الي حتشتركي فيها، وبخصوص الفترة الي بياخده الخط علي مايشتغل من اسبوع الي اسبوعين بالكتير
حذفلو سمحت انا معنديش خط ارضى وعاوز اعرف سعر الراوتر والاش
ردحذفتراك كام وشكرا
لو معندكش خط ارضي بتقدم في السنترال علي خط ارضي جديد وبتاخد معاك عقد ايجار او مليكة للمكان الي حيركب فيه الخط وايصال كهرباء وبطاقة شخصية وبتدفع مصاريف الخط حوالي 170 جنيه، وبالنسبة للنت بنتدفع اشتراك شهر مقدم لو حتشترك في باقة سوبر سرعة 30 ميجا حتدفع شهريا 137 جنيه، بالاضافة الي ثمن الرواتر بتدفع مره واحدة 228 جنيه، وبتشتغل الخدمة عندك خلال اسبوعين من التقديم
حذفماهو الفرق بين الباقه الجديدة سوبر 30.والباقات القديمه 5و15ميجا.هل باقةسوبر30تتفوق عليهم؟وشكرا
ردحذفاكيد في فرق من حيث السعة الشهرية في باقات سوبر 140 جيجا في الشهر والسرعة تفرق معاك على حسب قدرة الخط
حذفلو سمحت انا كنت على باقه ٥ ميجا تحميل ١٠٠جيجا وكنت بدفع ١٢٥شامل الضريبه الشهر إلى فات حولوا الباقه الى ٣٠ ميجا من غير ما يبلغونى وانا ارفض التحويل لو سمحت رجعونى الى الباقه القديمه
ردحذفالمشكلة دي للآسف حلها محدش حيساعدك فيه غير خدمة العملاء ممكن تتواصل معهم علي رقم 19777
حذفانا مشترك فى عرض سوبر بسرعة 30ميجا وتحميل 140جيجا ممكن اغير سعة التخزين 250وادفع 210جنيه وهدفع 210 على طول ولا السعر هيزيد
ردحذفعادي تقدر تزود السعة الشهرية عن طريق الاتصال برقم 19777 والمبلغ الي حتدفعو شهريا بعد اضافة قيمة الضريبة حيكون 240 جنيه تقريبا
حذفاناكنت مشترك في تي داتا وإلغاء الاشتراك وحوالت على اورانج وعندي جهاز تي داتا وعايز ارجع مرة تانية بس على we اعمل ايه ينفع ارجع مرة تانية على نفس جهاز تي داتااشتراك جديد يا رأت الرد
ردحذفعادي يا فندم تقدر ترجع في اي وقت، بس الاول بتقدم طلب الغاء من الشركة الى انت فيه دلوقتي وبعد كده بتروح السنترال تقدم من جديد مره تانية، وعادي تقدر تشغل الراوتر القديم بدون مشاكل
حذفانا في مدينة بدر و قدمت من شهرين في السنترال على خط أرضى عشان ادخل الإنترنت.و للأسف كانوا في قمة الاستهتار و لغايه دلوقتي مافي حد جه علما أن العمارة فيها بوكس و فيه اكتر من خط. و أثناء دفع الفلوس للطلب قالوا لي مش عارفين هينفع ولا ايه
ردحذفو عرفتهم أن العمارة في بوكس.
اعمل ايه لاني في احتياج للأخذ الأرضي و الانترنت
و شكرا
مفيش حل لمشكلتك الا المتابعة مع السنترال الى حضرتك مقدم فيه وتعرف ايه اسباب التأخير هل هي لعدم وجود اماكن في البوكس الموجود في العمارة ولا ايه
حذفانا كنت مشترك في باقه ١٥ ميجا بسعر١٧٠ ج شهريا فجاه بقيت بدفع ١٣٥ ج فقط ممكن اعرف التفاصيل
ردحذفممكن تكون حضرتك اتحولت لسرعة سوبر 30 الجديدة ودي هي الي بتدفع فيه 137 جنيه شهريا، وممكن تتأكد بردو وتعمل تيست للسرعة عن طريق اي موقع لقياس السرعة عندك او الاتصال بخدمة العملاء علي رقم 19777
حذفهو ممكن اعمل اضافه باقه من اي حد عنده مكنه جهاز الايصال الفوري ولا لازم اروح السنترال
ردحذفعادي تقدر تدفع فاتورة الاشتراك او اضافة باقة اضافية من خلال فوري او امان مش شرط تروح السنترال
حذفالسلام عليكم لو سمحت انا بدفع اشتراك النت ١٢٥ جنية في الشهر بس الباقة مش بتكمل الشهر يتخلص قبل ميعاد التجديد بحوالي ١٠ايام ارجوا المساعدة في حل دي
ردحذفوعليكم السلام، حضرتك اكيد بتشغل فيديوهات كتير او بتلعب اون لاين ودي اكتر حاجات بتخلص الباقة بسرعة، لكن لو مكنتش بتعمل كده يبقي تكلم خدمة العملاء علي رقم 19777 وتعرف استهلاك الباقة بيخلص في ايه
حذفالسلام عليكم. لو سمحت انا مشترك على سرعة ٥ ميجا بس بتخلص يوم ١٠ كل شهر باستمرار . و لو عايز ازود باقة اضافيه لازم اشحن القيمه الاول بس و لا لازم اتصل بالخدمة علشان الباقه الاضافيه تشتغل. و ايه مميزات السرعات الجديدة على السرعات القديمه
ردحذفوعليكم السلام ورحمة الله وبركاته، بالنسبة لشحن الباقة الاضافية تقدر تشحنه من اي مكنة فوري وبعد ماتشحن حتتضاف الباقة الاضافية تلقائيا، ومش حتحاج تكلم خدمة العملاء، اما بالنسبة للسرعات الجديدة، في باقة سوبر سرعة 30 ميجا وبتدي ليك سعة شهرية 140 جيجا وبتدفع اشتراك 137 جنيه اشتراك
حذفلو سمحت انا عايز اعر سرعه ال ٣٠ ميجا ال هيا بتدي ٢٥٠ جيجا ال هيا بتتدفع ليها ٢١٠ جنيه دول بي الضريبه ولا من غير الضريبه لوسمحت ارجو الرد
ردحذفسؤال تاني لو سمحت هيا حراره الخط الرضى طبعا بتندفع كل تأت شهور كام لو سمحت بضربه وشكرا
بالنسبة للسعر المضاف غير شامل الضريبة وبعد الاضافة يبلغ 240 جنيه تقريبا، اما بخصوص فاتورة التليفون الارضي الي بتظهر علي علي موقع المصرية للاتصالات دي شاملة قيمة الضريبة.
حذفالسلام عليكم ممكن اعرف سعر الباقه الاضافيه ال هيا ٢٠ جيجا بل الضريبه كام لو سمحت
ردحذفوعليكم السلام، بالنسبة لسعر باقة 20 جيجا الاضافية بـ 34 جنيه بعد اضافة قيمة الضريبة
حذفلو سمحت انا لو مدفعتش اشتراك النت لمدة شهر لاني مش هكون موجودة في البيت وطبعا هما بيقطعوا الخدمة ورجعت عشان ادفع الشهر اللي بعدة هل هدفع شهرين ولا شهر واحد
ردحذفلو كملت شهر عادي حتدفع الشهر الجديد بس، لكن لو عديت الشهرين الخدمة حتتلغي من خطك لذلك يفضل انك تكلم خدمة العملاء علي رقم 19777 وتقولهم عايز اوقف الخدمة لمدة شهر ولم ترجع تكلمهم تانى وتشغله عادي
حذفلو سمحت عاوزه أعرف إزاي ارجع لباقه ٥ ميجا تاني لأن الشركة حولتني لسوبر والميجات بتخلص بسرعه جدا مع إني مش بعمل داونلود او بشغل فيديو بجودة عاليه ؟؟
ردحذفللآسف لو تم تحويلك الي نظام السوبر متقدرش ترجع لنظامك القديم مره تانيه، لكن لو لو انت الي محولتش للنظام الجديد والشركة هي الي حولتك ممكن تتواصل مع خدمة العملاء علي رقم 19777 وتوضح لهم المشكلة
حذفمساء الخير يا فندم لو حبيت اعمل خط ارضي ورفض السنترال لاي سبب ما ينفع اخد راوتر وباقة عالية شهريا او اي حلول تانيه بخلاف الخط الارضي ارجو الرد
ردحذفمساء الخير استاذ خالد، مينفعش حضرتك تركب انترنت ADSL من غير الخط الارضي، ولكن ممكن تشترك في باقات النت الهوائي ودي بتشتغل من غير خط ارضي بس اسعارها غالية بالمقارنة بالنت الي الخط الارضي
حذفمش فاهمه الباقات دى الحقيقه يعنى انا كنت مشتركه فتى اى داتا ال١جيجا ومغيرتش ل we بس لو عايزه اغير ايه البديل بتاعها تكون unlimited !؟
ردحذفاولا بالنسبة لشركة تي اي داتا هي نفسها شركة WE، ولو حضرتك عايزة تشتركي في الباقات الجديدة دي كلها بسعة شهرية محددة ومفيش من مفتوح
حذفلو سمحت انا عايز اشترك في نظام غير محدوده هل متوافر ولا كله النظام الجديد بس
ردحذفباقات النت الغير محدودة كلها اتلغت، والمتاح حاليا السرعات المحدودة بسعة شهرية بداية من 140 جيجا والتى تبدأ من سرعة 30 ميجا
حذفالسلام عليكم
ردحذفدلوقتي اما اشترك للتليفون الأرضي وبعد ما أخلص ال 100 جيجا النت بيخلص ولا السرعه بس اللي بتقل ل 265 كيلو بايت
وبجد هما 265 كيلو مش 30
شكرا لرد حضرتك مقدما
وعليكم السلام ورحمة الله وبركاته، بالنسبة للسرعات الجديدة سوبر 30 ميجا ايوه لم تخلص السعة المحددة النت مش بيفصل لكن بتنزل السرعة الي 256 كيلو
حذفعايز أحول لسرعة ٣٠ ميجا تحميل ١٤٠ جيجا إللى ب١٢٠ جنيه لو سمحت
ردحذفالتحويل لسرعات وي الجديدة بيكون من خلال الاتصال بخدمة العملاء علي رقم 19777 او من خلال الشات اون لاين او من خلال السنترال
حذفلو سمحت انا عندى راوتر سرعته ٥ميجا بدفع ١٢٥ونص لاقيت نفسى متحولة الباقة ٣٠ميجا ١٣٧جنيه وسرعتها بطيئة وانا عاوزة احول لل ٥ميجا القديمةمش عاوزة العروض الجديدة اعمل ايه بالله عليكو عاوزة زى ما كنت
ردحذفلو تم تحويلك تلقائيا ممكن تكلمي خدمة العملاء علي رقم 19777 وتطلبي ترجعي لسرعتك القديمة مرة تاني
حذفانا عايز اعرف العروض بالتفصيل وخصوصا الباقات المنزليه الجديدة
ردحذفهو خلال الفترة الحالية مفيش اي عروض من شركة we والمعلن عنها هو السرعات الجديدة والتى تبدأ من 30 ميجا وسعة شهرية 140 جيجا والاشتراك الشهري حوالي 137 جنيه
حذفهل لابد من وجود تليفون أرضي
ردحذفوهل يمكن الإستفاده من هذه العروض بدون تليفون أرضي
جميع الباقات والسرعات الموجودة في المقال تحتاج إلى خط ارضى، ولكن ممكن تشترك في النت الهوائي بس ده تكلفتو الشهرية بتكون أعلى بكتير من النت الارضى
حذفلو سمحت دلوقتي انا مشترك في باقه 5ميجا و سعه 100جيجا وعايز انقل علي 30ميجا وسعه140جيجا
ردحذفاعمل اي؟؟؟
لو عايز تحول للسرعات الجديدة بتكلم خدمة العملاء علي رقم 19777 او من خلال السنترال الي في منطقتك
حذفمساء الخير انا بدفع 240جنيه فى الشهر والبافه خلصت قبل ما الشهر يخلص ايه الحل وايه هى الباقه الاضافيه وبتتحسب ازاى
ردحذفمساء الخير يا فندم، بالنسبة للباقات الاضافية في منها 3 باقات الاولي سعة 20 جيجا بسعر 30 جنيه والثانية 50 جيجا بسعر 60 جنيه والثالثة 100 جيجا وبسعر 100 جنيه بس ملحوظة بخصوص الاسعار غير شاملة قيمة الضريبة المضافة 14%، وبالنسبة لطرق شحنها بيتم من خلال اي منفذ فوري او من خلال السنترال وبعد الشحن بتتضاف لحضرتك عالطول وخلال نص ساعة بترجع السرعة الاصلية الي كان عليها خطك
حذفانامشترك في سرعه 5ميجا تحميل 100جيجا وبعد مجددت الاشتراك الشركه دخلتيني في السرعات الجديده 140 جيجا مع نفسها
ردحذفبس انا عايز ارجع للاشتراك القديم 5 ميجا اعمل ايه يافندم
المشكلة دي يافندم ناس كتير بتشتكي منها انها اتحولت تلقائيا، وللآسف كل الي اتحول للسرعات الجديدة ميقدرش يرجع تاني للسرعات القديمة، لكن ممكن حضرتك تعمل محولة وتكلم خدمة العملاء علي رقم 19777
حذفلو سمحتم انا شحنت شهر ٧ والنت معظم الوقت فاصل
ردحذفرجعت شحنت شهر ٨ وبيفصل اكتر مابيشتغل اكيد انا بشحن عشان استفاد بالخدمة
انا برجو التعويض عن هذا
كان نفسي اساعد حضرتك بس حل مشكلتك مع خدمة العملاء وتقدر تكلمهم علي رقم 19777
حذفما هي امماتيازات الراوتر ما هي امتيازات الراوتر اللي ثمنه 200 جتيه
ردحذفرواتر VDSL الجديد من شركة وي مميزاته انه يعمل علي سرعات الانترنت فائقة السرعة والتى تبدأ من 30 ميجا وحتى 100 ميجا، لكن مع مراعاة اني السرعة ليست وحدها من الراوتر ولكن قدرة خطك الارضي هي الاهم ودي بتتوقف طبعا علي السنترال الي في منطقتك
حذفانا قدمت علي خط أرضي وروتر فيه نفس الوقت تم تركيب الحرار بعد يومين لكن لحد الآن بقلي 4 ايام و لم استلم الرواتر
ردحذفلو جات لحضرتك رسالة علي الموبايل ببيانات خطك الاسم والباسورد يبقي كده خطك اتفعل وروح السنترال واطلب الراوتر، لكن لو موصلتش لحضرتك يبقي الخدمة لسه متفعلتش علي خطك، وممكن تكلم خدمة العملاء للتأكد علي رقم 19777
حذفلو سمحت انا عندى خط ارضى وكنت عايز اشترك فى النت weوعايز اعرف هدفع كام فى الشهر وعايز الراوتر على طريق القسط اجمالى اللى هدفعوا فى الشهر كام نظام السوبر ٣٠و١٤٠
ردحذفلو حضرتك حتشترك في باقة السوبر في الحالة دي حتدفع ثمن اشتراك شهري 137 جنيه بالاضافة الي زيادة 5 جنيه ثمن ايجار الراوتر تضاف شهريا علي قيمة الاشتراك، وبكده حتدفع شهريا حوالي 142 جنيه تقريبا
حذفلو سمحت انا قدمت على خط ارضى جديد وراوتر vdsl وباقة ١٤٠ جيجا... ودفعت ٤٨٥ وقالى هدفع ٥ جنيهات كل شهر.. هل انا كده دفعت تمن الراوتر وال٥ جنيهات هفضل ادفعها كام شهر... يعنى امتى الراوتر هيبقى بتاعى وشكرا
ردحذفبالنسبة للخمسة جنيه دي حتفضل بتدفعه عالطول طالما انت مشترك مع شركة وي لاني الشركة بتدي ليك الراوتر ايجار مقابل الخمسة جنيه الي بتتضاف علي قيمة اشتراكك
حذفوما معنى ان ال٥ جنيه ايجار للراوتر... هما قالولى الراوتر بالتقسيط
ردحذفالراوتر يافندم مش تقسيط، حضرتك بتدفع 5 جنيه كل شهر بتتضاف علي فاتورة اشتراك النت دائما
حذفانا يوم تجديد الباقه بتاع النت يوم 14 في الشهر وانا مشترك في باقه بتدفع فلوس 171 جنيه ورغم ذلك الباقه خلصت اليوم اعمل ايه لو سمحت وشكرا
ردحذفللآسف مفيش حل اقدر اقدمو لحضرتك غير انك تشحن باقة اضافية، ولكن استفساري لحضرتك هل كل شهر الباقة بتكمل معاك لنهاية الشهر ولا بتخلص عالطول كده
حذفالسلام عليكم
ردحذفانا لسه مغير الباقه من 30 - 5 ميجا وتحميل 100جيجا وبيقولي لما الباقه تخلص الباقه تخلص هترجع السرعه 1ميجا دا صحيح
وعليكم السلام ورحمة الله وبركاته، بالنسبة لسرعة الباقة لم تخلص السعة المحددة، سرعة 30 ميجا بتنزل الي 256 كيلو، وسرعة 5 ميجا بتنزل الي 1 ميجا.
حذفجاتلى رساله تم تحويلى على الباقات الجديده شهر يوليو واغسطس للتجربه..هل ده معناه انكم حولتوا الخط من غير ماطلب ولا هيرجع زى مكان.؟؟
ردحذفلو جات لحضرتك رسالة التحويل للباقات الجديدة، وللآسف طالما تم تحويلك مش حتقدر ترجع للباقات القديمة
حذفلو انا ماجر بيت وعوزه ادخل مت للتليفون الارضي لازم البطاقه بتاعت صاحب البيت وله مش شرط ومعايا وصل كهرباء وغاز بس صاحب البيت مسافر ينفع اقدم وكم سعر الروتر الجديد
ردحذفمش شرط صاحب البيت، اهم حاجه يكون مع حضرتك عقد ايجار ووصل كهرباء، وبطاقة شخصية بتاعتك، وبالنسبة لسعر الراوتر 228 جنيه
حذفلو سمحت عايز اعرف ازاى أقدم على الخط الارضى واشترك في النت التكلفه كام الراوتر وسعر الخط الارضى. جزاكم الله خيرا
ردحذفسعر الخط الارضى الجديد حوالي 150 جنيه، والمستندات المطلوبة هي بطاقة شخصية وعقد ملكية او ايجار للمنزل وايصال كهرباء ده بالنسبة للخط الارضي، اما بخصوص تكلفة الانترنت، حتدفع اشتراك شهر مقدم 137 جنيه في باقة السوبر بسرعة 30 ميجا وبتدي لحضرتك 140 جيجا شهريا تصفح وتحميل، اما بخصوص الراوتر لو عايز تدفع كاش سعرها 456 جنيه، وفي عرض جديد نزلتو شركة وي خاص بالراوتر انك تدفع 5 جنيه كل شهر تضاف علي قيمة اشتراك الشهر بس دي حتفضل تدفعها عالطول مش لفترة محددة
حذفلوسمحت احنا روحنا السنترال لتقديم نت منزلي وكان خط التلفون مفصول اكتر من سنتين وهنرجع الخدمة خلاص علشان النت بس لما سالنا اسعار الراوتر قولولنا فالسنترال ان الراوتر مفهوش عروض واسعارهم 450 جنية 650 جنية وشايفة حضرتك بتقول فالتعلقيات ان في خصم فالراوتر 50٪ وسعرة 228 جنية طيب ليه فالسنترال بيقولنا كدا وحضرتك بتقول في خصم وهل لمانشتري الراوتر بالخصم ولا ايه ياريت تفدوني
ردحذفهو فعلا من بداية الشهر الحالي اتلغي الخصم 50%، والعرض المتاح حاليا هو انك بتاخد راوتر من السنترال مقابل دفع 5 جنيه في الشهر تضاف الي قيمة اشتراك الانترنت، اما سعر الكاش 400 جنيه غير شاملة قيمة الضريبة المضافة 14% والسعر بعد الضريبة حيكون 456 جنيه تقريبا.
حذفانا مش عندي خط ارضي وعايزة اشترك في النت
ردحذفممكن حضرتك تركبي نت بدون خط ارضى في شركة we، والخدمة دي هي النت الهوائي وبتشتغل الخدمة عندك عن طريق خط داتا زي بتاع الموبايل بس ده بيركب علي راوتر من الشركة بيدعم شبكات الجيل الرابع، بس المشكلة انى اسعار الاشتراك الشهري غالية بالمقارنة مع اسعار النت علي الخط الارضي
حذفأنا ركبت خط ارضى وعايز اشترك فى النت عرض سرعة ٥٠ ميجا.. تحميل ١٠٠ جيجا.. أتواصل ازاى
ردحذفالتقديم بيكون من خلال السنترال الي في منطقتك، وبالنسبة لسرعة 50 ميجا ممكن متكونش متاحة علي خطك وحتلاقي المتاح هو سرعة 30 ميجا
حذفلو سمحت عايز اعرف هو فى باقات غير محدودة ولا لا لو فى ايه نظامها
ردحذفلا مفيش باقات غير محدودة حاليا كل الباقات محددة بسعة تصفح وتحميل
حذفاريد معرفة البقاة 30جيجا الواتر مجانا
ردحذفلا يا فندم الراوتر المجاني اتلغي، دلوقتي متاح بسعر 456 جنيه كاش، وممكن حضرتك تشترك في العرض الجديد وتدفع 5 جنيه كل شهر تضاف علي قيمة اشتراك النت
حذفالسلام عليكم السرعه عندي ٥ ميجا سعه التحميل ١٠٠كنت عاوز ارفع سعه التحميل الي ٢٠٠ ممكن والسعر
ردحذفوعليكم السلام ورحمة الله وبركاته، لو عايز تغير سعة الباقة في الحالة دي لازم تحول للسرعات الجديدة الي هي 30 ميجا وفي باقة بتدي 250 جيجا في الشهر وسعرها 240 جنيه تقريبا
حذفلو انا هاقدم جديد على راوتر والخط الارضي التكلفه الاجماليه كم
ردحذفتكلفة الخط الارضي الجديد 150 جنيه بالاضافة الي الدمغة و الضريبة المضافة 14%، وتكلفة خدمة الانترنت 137 جنيه شهريا وسعر الراوتر 400 جنيه لو حتجيب الراوتر كاش، لكن ممكن تشترك في عرض ايجار الراوتر بدل ما تدفع كاش وتدفع 5 جنيه كل شهر تضاف الي قيمة فاتورة اشتراك الانترنت، يعني ممكن تكون تكلفة التقديم الاجمالية في البداية 320 جنيه تقريبا والسعر ده شامل الضريبة ومن غير سعر الراوتر كاش
حذفعايز اعرف سعر الجط الارضى والاشتراك السنوى استقبال بس مع الباقه 5 ميجا والتكاليف كلها كام علما بانى عندى رواتر
ردحذفالي اعرفو حضرتك سعر الخاص بالخط الارضي كل 3 شهور، وسعر الخط 150 جنيه ولا يشمل قيمة الضريبة المضافة والدمغة، والسرعات المتاحة حاليا بداية من 30 ميجا ودي اشتراكه بعد اضافة قيمة الضريبة 137 جنيه شهريا
حذفالسلام عليكم من فترة جبت جهاز واي فاي هواوى من we هل يمكن استبداله بي رواتر منwe سرعة 5ميجا
ردحذفوعليكم السلام ورحمة الله وبركاته، لا يا فندم مفيش استبدال اجهزة
حذفباقتي انتهت قبل ميعاد التجديد بيومين، هل ينفع اني اجدد اشتراك الباقه مبكرا ولو هينفع تتجدد يبقي ممكن اعرف الطريقه من حضراتكم وشكرا
ردحذفللآسف استاذ حسام حتى لو جددت الباقة دلوقتي برضو حتستني لغاية ما يخلصو اليومين، الحل الوحيد هو شراء باقة اضافية
حذفلو سمحت هو انا ازاى اتعاقد ع رقم ويتم تركيب الخط الارضى برقم اخر مع العلم انى ايضا متعاقد ع راوتر بنفس الرقم الذى بالتعاقد
ردحذفللآسف المشكلة دي بيكون حلها من خلال السنترال فقط، كان نفسي اساعدك بس بعتذر انى مش حقدر اساعد حضرتك
حذفمافيش باقات بسعر أقل من ١٠٠ جنيه ؟
ردحذفلا يا فندم اقل اشتراك باقة نت ارضي هي بسعر 137 جنيه الى بتدي لحضرتك سرعة 30 ميجا وسعة تصفح وتحميل 140 جيج اشهريا
حذفالسلام عليكم
ردحذفازاي احول من باقة ال 5ميجا ل باقة ال 25 اللي بتدي 50 جيجا
وعليكم السلام ورحمة الله وبركاته، الباقات دي اتوقفت من فترة يا فندم، ولو عايز تحول علي سرعة اعلي، مفيش قدامك غير باقات وي سبيس الجديدة الي بتبدأ من سرعة 30 ميجا وسعة شهرية 140 جيجا وبأشتراك شهري 137 جنيه
حذفماطريقه الاشتراك للعملاء الجدد وهل ف عروض اما لا
ردحذفالاشتراك حضرتك بيكون من خلال اقرب سنترال بمنطقتك، وبيكون مع حضرتك بطاقة صاحب الخط الارضي بالاضافة الي سعر اشتراك الشهر مقدم لو حتشترك في سرعة 30 ميجا وسعة 140 جيجا شهريا بـ 137 جنيه، بالاضافة الي سعر الرواتر لو عايز تجيبو كاش بسعر 450 جنيه وفيه عرض عليه دلوقتي انك تدفع 5 جنيه قيمة ايجار راوتر كل شهر وتضاف الي قيمة الاشتراك الشهري لخدمة الانترنت
حذفأنا مشترك في أتصالات علي الخط الأرضي بتاعي وعاوز أشترك في weبس طبعآ طلب الإلغاء بيبقي كلها تعقيد ممكن أطلب التهاقد والشركه تقوم بالغاء التعاقد من إتصالات ولا لازم العميل هو اللي يطلب إلغاء الأشتراك
ردحذفعادي يا فندم تقدر تقدم طلب في شركة اتصالات وهما ممكن يلغو لك اشتراك النت في شركة we بس الموضوع ده حياخد وقت شوية، ويفضل انى حضرتك تقدم طلب الغاء بنفسك
حذفدفعت مبلغ 118 جنيه لباقة 120 جنيه ومش شغالة اعمل ايه عشان اضحح الخطأ فى الملغ المفروض ادفعه
ردحذفبسيطة يا فندم حضرتك دفعت المبلغ الاول من خلال فوري او امان صح، ولو كده بتروح تزود علي المبلغ ده 5 جنيه وحتضاف تلقائيا لرصيدك في شركة we وفي وقت التجديد حيتم خصمها
حذفالسلام عليكم ورحمة الله وبركاته
ردحذفارجو تركيب خط أرضى فى إحدى قرى الساحل الشمالى وتوصيل خدمة الانترنت خلال شهور الصيف فقط كما هو معمول فى بعض قرى الساحل الشمالى
علما بأن الخطوط الموجودة فى هذه القرية كلها خطوط أرضى هوائيه
فهل يمكن توصيل الإنترنت على الخط الهوائي
ولكم جزيل الشكر
وعليكم السلام ورحمة الله وبركاته، لو حضرتك تقصد تركيب النت علي الخط الارضي دي ممكن تتواصل مع خدمة عملاء we، اما لو تقصد النت الهوائي الي بيشتغل من خلال خط داتا موبايل وعلي راوتر 4G فده مش بيحتاج خط ارضي
حذفلو سمحت انا مقدمه على خط أرضى من اكتر من ٣شهور السنترال بيقول مفيش مكان فى الكبل وعلى العلم احنا اكتر من ٧مقدمين من شارع واحد ..ممكن الحل
ردحذف